Tilshunoslik nazariyasi kursi predmeti maqsad va vazifalari Исполнитель

“Tilshunoslik nazariyasi” kursi predmeti, maqsad va vazifalari. Tilshunoslik fanining vujudga kelishi tarixi. Tilshunoslik maktablari

Reja:

1. Fan doirasida o‘rganiladigan asosiy masalalar.
2. Tilshunoslikning qadimgi asrlarda shakllanishi. Mesopotamiya tilshunosligi.
3. Akkad, shumer va boshqa xalqlarning tilshunoslik taraqqiyotidagi o‘rni.
4. O‘rta asrlarda Yevropa va Sharq tilshunosligining yuzaga chiqishi.

Tayanch tushunchalar: Tilshunoslik tarixi. Tilshunoslikning nazariy masalalari.  Tilshunoslik metodlari. Shumerlar mixxati, Mesopotamiya, akkadlar

«Tilshunoslik  nazariyasi»  fani  tilshunoslik  fanlari  sirasida  eng  murakkab  va  keng qamrovli  ilmiy-nazariy,  falsafiy  fan  sifatida  ajralib  turadi.  Ushbu  fanning murakkabligi,  keng  qamrovli  va  falsafiy  fan  ekanligi  bevosita  o‘rganiladigan  o‘ta jiddiy  muammolar  bilan,  fikr  yuritiladigan  dolzarb  masalalar  bilan,  lisoniy hodisalarning (faktlarning) mohiyati bilan, ularga qaysi nuqtai nazardan yondashish bilan, ularni  chuqur  tahlil  qilish  va  ulardan  ob’ektiv  ilmiy  xulosalar  chiqarish  bilan belgilanadi. 

«Tilshunoslik nazariyasi» fanining faollik ko‘rsatish chegarasi  «cheksiz»  bo‘lib,  ayni fan  o‘z  kuzatishlarini  jahon  tilshunosligi  tarixiga  oid  zarur  masalalardan,  yetakchi oqimlar va yo‘nalishlardan  boshlab,  hozirgi  tilshunoslikning eng muhim va murakkab nazariy muammolarini, ta’limotlarini o‘rganish  bilan - nafaqat tilshunoslikning balki barcha  fanlar  uchun  metodologik  asos  bo‘lib  xizmat  qiladigan  dialektik  falsafa  hamda psixologiya,  mantiq  kabi  fanlarga  ham  bevosita  aloqador  bo‘lgan  muammolarni  qamrab olishi bilan yakunlaydi.