Qadimgi Misr kostyumi Исполнитель

Qadimgi Misr kostyumi

Reja:

1. Misr ijtimoiy — iqtisodiy va madaniy hayoti.
2. Qadimgi podshohlik (3000 — 2400 y. er av.)
3. Erkaklar kostyumi.
4. Ayollar kostyumi.
5. O‘rta podshohlik (2400—1710 y. er av.)
6. Yangi podshohlik (1580—1090 y. er av.)
7. Fir’avn kostyumi.

 Misr ijtimoiy — iqtisodiy va madaniy

Jahondagi eng qadimiy tamaddun - sivilizatsiyalardan biri Misr madaniyati hisoblanadi. Mana, oradan uch ming yil oMibdiki, mazkur qadimiy zaminda hozirgi kunda ham o'zgarmagan va saqlanib qolgan asl tamaddun izlari, ajoyib me’moriy obidalar hamon insoniyatni lol qoldinb kelmoqda. Ana shu tamaddun yaratilgan Qadimgi Misr tarixi uch bosqichga bo‘linadi:

1. Qadimiy shohlik (millodgacha 3000-2400-yillar) - lkki davlatning birlashishi
2. O‘rta shohlik (millodgacha 2400-1710-yillar) - fir’avn hukmronligi kuchaygan davr.
3. Yangi shohlik (milodgacha 1580-1090-yillar) - ko‘chmanchi qabilalar hukmronligidan ozod bo`lish davri.

Qadimiy Misr eng qudratli quldorlik davlatlaridan biri edi. Ana shu qudratli davlatni cheksiz-chegarasiz hukmronlikka ega bo`lgan fir’avn boshqarardi. Qadimgi misrliklar fir’avnni Xudoning yerdagi noibi deb bilganlar.

Qadimgi Misr xalqi bir necha:

• quldor zodagonlar;
• shahar aholisi (hunarmandlar va mirzalar);
• ozod dehqonlar - ular o‘z mehnatlari bilan faqat o‘z oilalarinigina emas, balki fir’avnu mirzalar, soqchilarni ham boqqanlar. Dehqonlar fir’avn g'aznasiga yetishtirgan hosillarining bir qismini topshirgan;
• qullarga bo`lingan.

Qadimiy misrliklar asosan dehqonchilik va chorvadorlik bilan shug'ullangan. Dehqonchilik bilan shug'ullangan kishilar ko‘p ishlashlariga to‘g‘ri kelgan, chunki ariq kovlash, yer qazish va dalalarga suv olib kelish juda qiyin edi. Shunday bo`lsa-da, dehqonlar hosillari va qoramollaridan bir ulushini hukumat xazinasiga topshirgan.

Qadimiy Misrda har xil hunarlar: to‘kimachilik; kulollik (loydan idishlar va ko‘zalar yasalgan); zargarlik (misrlik zargarlar taqmchoqlar va yovuz ruhlardan saqlovchi tumorlarni tilla va boshqa qimmatbaho metallardan yasaganlar); ko‘nchilik (ko‘nchilar hayvonlar terini oshlaganlar, tikuvchilar ulardan turli buyumlar tikkanlar); oyna ishlab chiqarish yo`lga qo‘yilgan.