Kimyo o‘qitish mеtоdikаsi fаni o‘quv fаni ekаnligi Uning vаzifаlаri Исполнитель

Kimyo o‘qitish mеtоdikаsi fаni o‘quv fаni ekаnligi. Uning vаzifаlаri. Kimyo o‘qitish metodikasining rivоjlаnish tаrixi

1.Kimyo o’qitish metodikasi fanining tuzilishi.

2.Kimyo o’qitish metodikasi fanining ilmiy fan sifatida rivojlanishi.

3.Kimyo o’qitish metodikasi fanining ta’lim beruvchi, tarbiyalovchi va rivojlantiruvchi vazifalari.

4.Uning boshqa fanlar bilan uzviy bog’liqligi.

Har qanday boshlangan ishning muvaffaqiyatli chiqishi bir qancha shart-sharoitlarga, ishning g’oyaviy siyosiy yo’nalishiga, uni bajaruvchisining malakasiga, moddiy bazaga va boshqa ko’plab omillarga bog’liq. ish bajarishda bajaruvchining shu ishni qay darajada bajara olishi muhim ahamiyatga ega. Har qanday mutaxassis o’z ish metodikasiga qanchalik e’tibor bersa, shunchalik yaxshi natijalarga erishadi. O’qituvchining asosiy ishi o’quvchilarga ta’lim berish, tarbiyalash va ularni ma’naviy, ham dialektik rivojlantirishdir.

Har qanday jamiyat o’z oldiga ijtimoiy va iqtisodiy jivojlantirish o’z oldiga maqsad qilib qo’yadi. Uni amalga oshirish ta’lim sohasini isloh qilishdan boshlanadi. Jamiyat talabidan kelib chiqib, o’rta umumta’lim maktablari fan asoslarining elementar bilimlarini berishi, o’sib kelayotgan avlodning qiziqishlari va qobiliyatlarini hisobga olgan holda fan va texnikaning rivoji darajasida dunyoqarashlarini shakllantirishlari, siyosiy va ijtimoiy hayotga tayyorlashlari, shuningdek, estetik didli ma’naviy va jismoniy barkamol bo’lib yetishishlarini ta’minlashlari zarur. Bu esa jamiyatning kelgusi taraqqiyot yo’nalishini belgilab bermog’i lozim. Shu sababli har qanday davlatning kelajagi o’qituvchilarining fidokorona mehnatlari natijasiga bog’liq.

O’qituvchi o’z ishining ustasi bo’lishi kerak. Lekin boshqa kimyogar mutaxassislardan farqli ravishda, kimyo o’qituvchisiga kimyoviy bilim va malakalarni mukammal bilishning o’zi yetarli emas. Kimyoni yaxshi bilish, bu yaxshi o’qituvchi bo’lib yetishganlik alomati emas. Kimyoni yaxshi bilgan holda o’z bilimlarini zaruriy darajada o’quvchilarga yetkazib bera olmashlik ham mumkin. O’qitish uchun o’quvchilarni yaxshi bilish, ularning ruhiyatiga kirish, o’qitish usullarini mukammal egallash, o’qitishning natijaviy maqsadini to’la tasavvur etish, unga erishishning vosita va yo’llarini yaxshi bilishlari kerak.

Zamonaviy o’rta ta’lim maktablari o’qitish jarayonida uchta muhim funksiyani amalga oshiradi: ta’lim berish, tarbiyalash va rivojlantirish. Bu funksiyalarning har biri alohida ilmiy bilimlar sistemasining o’rganish ob’yekti hisoblanadi. Ta’lim berish funksiyasini didaktika, tarbiyalash funksiyasini ta’lim nazariyasi, rivojlantirish funksiyasini esa psixologiya o’rganadi. Kimyo fanining o’zi ham alohida murakkab tushunchalardan iborat sistema hisoblanadi. Bu uning funsiya va kimyoviy tushunchalarning o’zaro qo’shiluvi natijasida yangi sistema hosil bo’ladi va bu sistema kimyo o’qitish metodikasi (KO’M) deb nomlanadi.

KO’Mning fan sifatida tan olinishida yuqoridagi barcha sistemalarni uning tarkibiy qismlari sifatida qarash mumkin. Chunki bu sistemalar KO’Mni fan sifatida yaratsa, boshqa tomondan psixologik asoslarini tashkil qiladi. Shunga asoslangan holda kimyo o’qitish metodikasi – o’quvchilarga ta’lim tarbiya beruvchi, ularning dunyoqarashlarini rivojlantiruvchi pedagogik fan deyish mumkin.