Kimyo fanini o’qitishda o’yinli texnologiyalar Исполнитель

Kimyo fanini o’qitishda o’yinli texnologiyalar

1.Kimyo fanini o’qitishda o’yinli darslarni qo’llanilishi

2.O’yin faoliyatining funksiyalari

3.O’yinli texnologiyalarga qo’yiladigan didaktik talablar

4.O’quvchilarning bilim olish faoliyati va o’yin faoliyati bilan uyg’unligi  

Kadrlar tayyorlash  milliy dasturi (29  avgust  1997 y.) da qo’yilgan barkamol avlod tarbiyasi vazifalarini amalga oshirish jarayonida, tayyorlanayotgan kadrlarning mustaqil ijodiy  fikrlash qobiliyatini rivojlantirish ta’lim tizimining  eng   muhim vazifalaridan biri sifatida e’tirof  etilmoqda. Chunki, o’zgaruvchan  bozor iqtisodiyoti sharoitida  faqatgina mustaqil  fikrlash  qobiliyatiga ega bo’lgan  shaxsgina o’z  muammolarini  o’zi mustaqil hal qila oladi, o’zi uchun ham, oilasi uchun ham foydali bo’lib  hisoblanadi hamda  jamiyatda  o’z  mavqeiga ega  bo’ladi. Bunday  qobiliyat,  albatta dastlab oilada, keyinchalik  esa, ta’lim muassalarida shakllanadi. Yoxud,   birinchi Prezidentimiz Islom Abdug’aniyevich Karimov ta’kidlaganlaridek: «Agar bolalar erkin fikrlashga o’rganmasa, berilgan ta’lim samarasi past bo’lishi muqarrar. Albatta bilim ham kerak. Ammo u o’z yo’liga. Mustaqil fikrlash ham katta boylikdir». Har bir fan o’qituvchisi o’quvchilarni ana shu boylik egasi bo’lishi uchun o’z hissasini qo’shishi lozim.  

So’ngi yillarda faol o’qitish usullaridan biri bo’lgan pedagogik o’yinlar keng targ’ibot qilinib qo’llanilmoqda. Pedagogik o’yinlar ham boshqa faol usullar kabi, o’quvchilarni o’z kasbiga qiziqtiruvchi, bilim doiralarini kengaytiruvchi, ularda hozirjavoblik xususiyatlarini  tarbiyalovchi,  faollashtiruvchi va ularning mustaqil fikrlash qobiliyatini rivojlantiruvchi kabi didaktik funktsiyalarni bajaradi.  Tajribalarda ta’kidlanganidek, agar mashg’ulot odatdagi - faqat tinglab o’tirishga asoslangan usulda o’tkazilganda, o’quvchilar axborotning ko’pi bilan  20 foizgachasini o’zlashtirgan bo’lsa, pedagogik o’yinlardan foydalanilganda esa, bu ko’rsatkich 80-90 foizgacha oshganligi tasdiqlangan.

Quyida o’qitish jarayonida qo’llash mumkin bo’lgan ba`zi bir  pedagogik   o’yinlarning  tavsifi, o’tkazish tartibi to’g’risida uslubiy tavsiya beriladi.