Radioelektron qo’rilmalar va sxemalar haqida umumiy Исполнитель

Radioelektron qo’rilmalar va sxemalar haqida umumiy

REJA:

1. Radioelektron tizimlar
2. Videosignallar
3. Iste‘mol manbalari

1. Radioelektron tizimlar

Kirish. Radioelektronika - fan va texnikaning radiochastotali elektromagnit tebranishlar va to‘lqinlardan foydalangan holda axborotlarni uzatish va o‘zgartirish bilan bog‘liq bo‘lgan sohalarning umumiy nomi. Ulardan asosiylari – radiotexnika va elektronika. Radioelektronika telegraf, telefon, fototelegraf aloqa, radioeshittirish, televideniye, radiolokatsiya, radioastronomiya, elektron avtomatika, hisoblash va boshqarish mashinalari, ishlab chiqarish jarayonlarini avtomatlashtirish asoslari, tibbiyotda fizioterapiya va tashxis usullarini keng miqyosda qo‘llash, kosmik qurilmalar va boshqalarni o‘z ichiga oladi.

XX asr boshlarida radiolampalarning takomillashishi, triod lampasining yaratilishi elektr tebranishlarni hosil qiluvchi va kuchaytiruvchi radioelektron qurilmalar yaratish imkonini berdi. Keyinchalik elektr tebranishlarning chastota sohasi oshiriladigan ko‘p elektrodli - tetrod, pentod, geksod va geptod radiolampalari yaratildi. Vakuum texnikasining taraqqiyoti natijasida fotoelement yasaldi, uning yordamida esa ovozli kino paydo bo‘ldi. O‘tgan asrning 50-yillariga kelib, yarimo‘tkazgichlar elektronikasi tez taraqqiy etishi bilan yarimo‘tkazgichli asboblar - diod va triod (tranzistor)lar asosida ishlaydigan ixcham hamda qulay radioelektron qurilmalar yaratildi. Texnika taraqqiyoti va kosmik fazoni zabt etish vazifalariga oid ehtiyojlarni qondirish uchun yangi mikrosxemalar yaratildi. Bundagi aktiv elementlar - yarimo‘tkazgichli diod va tranzistorlar o‘ta mitti shaklda yasalib, passiv elementlar - rezistor (qarshilik) va kondensatorlar vakuumda yupqa metall pardalar hosil qilish usuli bilan tayyorlanadi va ular juda kichik sathda montaj qilinadi. Mikroelektronikada mikrosxema  elementlarining zichligi juda katta (1 sm3 ga 300-400 detal to‘g‘ri keladi). Fanning turli sohalari asosida radioelektronikaning yangi tarmoqlari - kvant elektronika, optoelektronika, tranzistorlar elektronikasi, mikroelektronika, kriogen elektronikasi, dielektriklar elektronikasi va ionika vujudga keldi. «Elektronika» vakuum, gaz, suyuqlik, qattiq jismlar va plazmada, shuningdek, ularning chegaralarida ro‘y beradigan elektron jarayonlar haqidagi fan bo‘lib, u texnikaning elektron asboblarini ishlab chiqish va qo‘llash bilan shug‘ullanadigan sohasi. «Radiotexnika» elektron asboblar yordamida elektr signallarni generatsiyalash, kuchaytirish, o‘zgartirish, shakllantirish kabi murakkab masalalarni o‘rganuvchi fan. Zamonaviy elektronika va radiotexnikaning asosini yarimo‘tkazgichlar elektronikasi va mikroelektronika tashkil etadi. Yuqoridagi xususiyatlariga ko‘ra, elektronika va radiotexnika fan va texnikaning barcha sohalarida keng qo‘llanilib, yerning sun’iy yo‘ldoshini uchirishda, kibernetik qurilmalar yaratishda, kosmik tadqiqotlar o‘tkazishda, harbiy texnikada, ishlab chiqarish jarayonlarini va ilmiy tadqiqotlarni avtomatlashtirishda qo‘llaniladigan bir necha radioelektron tizimlar yaratilmoqda.