Xorijga chiqish pasportini olish ariza namunasi Исполнитель

Xorijga chiqish pasportini olish uchun birinchi galda ariza to'ldiriladi. Odatda ushbu arizani migratsiya va fuqarolikni rasmiylashtirish boshqarmasi (OVIR) yonida tashkil etilgan xizmat ko'rsatish shaxobchalari ko'magida to'ldirish mumkin. Xizmat haqi joyiga qarab 25000-50000 so'm atrofida. Ammo siz bu arizani o'zingiz ham to'ldirishingiz mumkin. Bu hech qanday qiyinchilik tug'dirmaydi. Ilovada namuna hujjatlar keltirilgan. Ariza ishlayotgan bo'lsangiz ish joyidan, bo'lmasa mahalladan muhrlatib olinishi kerak. Demak, xorijga chiqish pasportini olish quyidagi  tartibga asosan amalga oshiriladi:

1. Ariza to'ldirish va unga mahalla yoki ish xonadan muhr bostirish

2. Ariza yuzasiga bitta 3,5x4,5mm rasm yopishtirish. Rasm hujjatlarga tushiriladigan talablarga mos bo'lishi kerak

3. Biometrik hujjat berilishi haqida ariza, Xorijga chiqish jildi, Xorijga chiqish haqida ariza-anketa va pasport nusxangiz shu ketma-ketlikda steplerda tikilib OVIRga borasiz. Amaldagi pasportingizning o'zini ham birga olib borish yodingizdan chiqmasin. Voyaga yetmagan farzandlari borlar yoki boshqa majburiyatlari borlar uchun qo'shimcha hujjatlar talab etiladi. Bu haqida mana bu maqolani o'qing

4. Birinchi galda navbatga yoziling. OVIR xodimlari chaqirishini kuting. Navbatingiz kelganda sizni chaqirib hujjatlaringizni bir ko'z yugirtirib chiqishadi va sizga to'lov topshiriqnomasi (kvitansiya) yozib berishadi. Bugungi kunda Xorijga chiqish pasportini olish uchun EIH 1,2 barobarida to'lov to'lanadi, ya'ni 243 276 so'm. Odatda to'lovni OVIR yonidagi banklarning to'lovlarni qabul qilish shaxobchalarida amalga oshirishingiz mumkin.

5. To'lov kvitansiyasi va yuqoridagi hujjatlaringiz bilan birga xorijga chiqish biometrik pasporti uchun rasmga tushish uchun yana bir oz kutasiz. Bu jarayon xuddi amadagi pasportingizni olganingiz kabi rasmga tushish, barmoq izlarini topshirish bosqichlaridan iborat. OVIR xodimi ma'lumotlaringizni onlayn tarzda kiritib bo'lib 15 kun ichida pasportingiz tayyor bo'lishini va bu haqda o'zlari telefon qilib xabar berishlarini aytishadi.

 6. Shundan so'ng pasportingiz tayyor bo'lishini kutasiz.